Dalmatien

Dalmazie (in de südslawische Sprooche Dalmacija / Далмација, latiinisch Dalmatia, italiänisch Dalmazia) isch e geographischi und historischi Region an dr Ostküste vo dr Adria. Si lit im Weste und Südweste vo Kroazie und im südwestligste Montenegro. Si goot vo dr Insle Pag im Norde bis über d Bucht vo Kotor im Süde. S südlige Dalmazie gränzt im Oste an Bosnie und Herzegowina. Die wichdigste Stedt si Split, Zadar und Dubrovnik.

De Name Dalmazie git s sit em 1. Joorhundert und goot uf e Naame vo de Delmate (Dalmate) zrugg, eme Stamm vo de Illyrer. Es isch e Provinz vom röömische Rych gsi.